USD
EUR
RUB

Նունե Սարգսյանը՝ արվեստի, գրքերի ու իր հեքիաթի հիման վրա ստեղծվող բալետի մասին

 

ՀՀ նախագահ Արմեն Սարգսյանի տիկինը՝ Նունե Սարգսյանը վերջերս Թբիլիսիի Art Palace արվեստի թանգարան էր այցելել՝ նախագահի Վրաստան կատարած պաշտոնական այցի շրջանակում: «Առավոտի» հետ զրույցում նա պատմեց, թե ինչ տպավորված է 300 000 ցուցանմուշներ ամփոփող թանգարանում՝ հատկապես իր այցելության առիթով բացված հայկական անկյունից:

«Հայկական հրաշալի նմուշները շատ լավ վիճակում էին: Հատուկ իմ այցելության առիթով պատրաստված էր մի մեծ ստենդ, որտեղ ներկայացված էին Թբիլիսիի Պետրոս Ադամյանի անվան թատրոնի հին խաղացանկերն ու ծրագրերը, Սերգեյ Փարաջանովի ֆիլմերում օգտագործված արքունական տարազները, ինչպես նաեւ ախալցխացի արծաթագործների պատրաստած զարդերը, որոնք գեղեցիկ ժանյակներ էին հիշեցնում»,-ասաց տիկին Սարգսյանը:

Նրա ձեւակերպմամբ, ընդհանուր թանգարանի մթնոլորտն էր տպավորիչ, հաստատությունը տեղակայված էր մի շենքում, որը ժամանակին վրացի մեծահարուստներից մեկին է պատկանել: Art Palace արվեստի թանգարանի շենքը վերանորոգված էր ու խնամված: Տիկին Նունեն ասաց, որ շատ է գնահատում վրացիների՝ իրենց քաղաքի ճարտարապետական կառույցների հանդեպ ունեցած հոգատար վերաբերմունքը:

Նունե Սարգսյանից պարզեցինք, որ Հայաստանում իր ամենասիրելի թանգարաններն են հատկապես Փարաջանովի ու Պատմության թանգարանները: «Պատմության թանգարանը շատ կարեւոր է: Իմ կարծիքով, Հայաստան այցելող օտարազգիները իրենց շրջայցը պետք է սկսեն հենց այս թանգարանից, որտեղ ժամանակագրորեն ներկայացված է մեր պատմությունը»,-ասաց նա:

Հավելեց, որ թոռնիկներն անհամբեր սպասում են ամառային արձակուրդներին, որպեսզի այցելեն Հայաստան, քանի որ հայերենի ուսուցչուհու հետ հեռավորությունից շփվում են համացանցի միջոցով: Նրանց հետ նախագահի տիկինը պատրաստվում է այցելել իր սիրելի թանգարանները:

Նունե Սարգսյանը հավելեց նաեւ, որ առաջիկայում «Զանգակ» գրատանը կներկայացվեն իր 3 նոր գրքերը, նշեց, որ եւս 2 գիրք խմբագրական փուլում են: Գրքերից մեկը կոչվում է «Մրջնակերներ», որի նկարազարդումները հենց ինքն է արել: «Գիրքը նկարազարդելն ինձ անսահման ուժ եւ էներգիա էր տալիս»,-ասաց մեր զրուցակիցը: Նշեց, որ մյուս գիրքը «Կախարդական կոճակների» երկրորդ հատորն է, որը կոչվում է «Զմրուխտյա մկրատը»: «Դա փոքրիկ հերոսուհու՝ Սադափի կյանքի շարունակությունն է՝ արկածային, հրաշագործ: Հուսով եմ, որ երեխաները կհավանեն այն»,-ասաց նախագահի տիկինը:

Պարզեցինք նաեւ, որ Խամաճիկների թատրոնը փորձում է բեմադրել Նունե Սարգսյանի «Թզուկ-մզուկ» գործը, այս պահին ներկայացումը, որի երաժշտական ձեւավորման մեջ օգտագործված է Գրիգի երաժշտությունը, աշխատանքային փուլում է: «Հուսով եմ, որ լավ ներկայացում կստացվի»,-ասաց Նունե Սարգսյանը:

Հավելեց, որ Պարարվեստի քոլեջի հետ աշխատում է մի բալետային ներկայացման վրա՝ որը ստեղծվել է ըստ իր «Քաչալ ոզնին» հեքիաթի: «Բեմադրությունը պատրաստ է, երաժշտությունը գրել է Գրիգոր Բալասանյան անունով երիտասարդ մի կոմպոզիտոր, ձայնագրել է Սերգեյ Սմբատյանն՝ իր նվագախմբով, ներկայացման մեջ պարարվեստի քոլեջի սաներն են պարելու: Դեռ աշխատանքը գնում է: Արդեն պետք է կոստյումները պատրաստենք՝ աղվեսների ու ոզնիների: Շատ ուրախ եմ, որ հայ մանուկները կունենան հայկական բալետային ներկայացում»,-ասաց Նունե Սարգսյանը:

Գոհար ՀԱԿՈԲՅԱՆ

Լուսանկարը՝ president.am կայքից. Նունե Սարգսյանը և թանգարանի գլխավոր տնօրեն Գիորգի Կալանդիան:

Աղբյուր՝ Aravot.am

Լրահոս
Արա Հուսիկ․ Սաղմոսներ Արցախի հայոց ժառանգությունը վտանգված է. Մայր Աթոռ Ս. Էջմիածինը ահազանգում է Օպերային թատրոնի բեմ կբարձրանա Ռուջերո Լեոնկավալոյի «Պայացներ» ներկայացումը «Չգիտե՞ք, որ Աստծու տաճար եք» Հայ հեղինակները ներկայացվել են Եվրոպական Միության գրական մրցանակի Ֆիլհարմոնիկ նվագախմբի համերգով կմեկնարկի Էդվարդ Միրզոյանի անվան մրցույթը Աղոթքի արտաքին սովորույթը Հայկ Կազազյանի, Վահագն Պապյանի մասնակցությամբ համերգով մեկնարկեց Հայ կոմպոզիտորական արվեստի փառատոնը Վրուբելի «Դևը և հրեշտակը Թամարայի հոգու հետ» կտավը Երևանից կտարվի Մոսկվա Ձայնը Տուն-թանգարանի այցելուները հնարավորություն կունենան տեսնելու Արամ Խաչատրյանի հետմահու դիմակը Տուն-թանգարանի այցելուները հնարավորություն կունենան տեսնելու Արամ Խաչատրյանի հետմահու դիմակը «Նարեկ» համույթը «44» պարային ներկայացմամբ արվեստասերներին կպատմի 44-օրյա պատերազմի մասին Ինքնագործուն աղոթք Ռուբեն Հախվերդյանը հանդես կգա «Երգը և՛ աղոթք է, և՛ մխիթարանք» խորագրով համերգով Ջութակահար Ֆյոդոր Ռուդինը Երևանում կկատարի Վիվալդիի և Պիացոլայի երկերը Կոլիզեումում կվերականգնվի գլադիատորների մենամարտերի հարթակը (լուսանկարներ, տեսանյութ) «Աստվա՛ծ, դու իմացար անմտությունն իմ, և հանցանքներս չծածկվեցին քեզնից» (Սաղմոսներ 68:6) Կոմպոզիտոր Էդվարդ Միրզոյանի 100-ամյակին Երևանում կամերային երաժշտության երեկո կանցկացվի Հայրիկ Մուրադյանի ծննդյան օրն է Ա Պետրոս 3:15, 16 Սամվել Զուլոյան Հայ կոմպոզիտորական արվեստի փառատոնի բացման համերգը կղեկավարի դիրիժոր Վահագն Պապյանը «Տերն է տալիս իմաստությունը» (Առակ. 2:6) Արցունքախառն ծափողջույններ. Վերածննդի խորհուրդը՝ Ավետարանչականի բեմում «Ֆենիքս Դարբինյան. քաղաքին ուրախություն պարգևած ճարտարապետը». լույս է տեսել «Հասրաթյան» մատենաշարի առաջին գիրքը (տեսանյութ) Արշիլ Գորկի... կոշիկի տուփերի վրա նկարելուց մինչև 20-րդ դարի արվեստի ամենակարևոր դեմքը Առնո Բաբաջանյանի հոբելյանին «Նարեկացի» արվեստի միությունում դասական երաժշտության երեկո է նախատեսվում Դու կարող ես երջանիկ լինել «Վտանգված ժառանգություն․ Արցախ»․ Հնարավոր է՝ ինչ-որ զեղծարարություններից հետո քարոզչության համար Ադրբեջանը թույլատրի ՅՈՒՆԵՍԿՕ-ի մուտքը Պաշարված ամրոց Հայաստանի ոչ նյութական մշակութային ժառանգության արժեքների ցանկը համալրվել է նոր տարրերով․ ԿԳՄՍՆ Սա դավաճանական պատերազմ էր. Ստեղծագործողը և հետպատերազմյան շրջանը. Հովհաննես Գալստյան Բուլղարիայի Վառնա քաղաքում կտեղադրվի Շառլ Ազնավուրի արձանը Առինքնող դերասանուհին. «Պետք է կայծը ձգել ունկնդիրների սրտերի մեջ…» «Լավ է հույսը դնել Տիրոջ վրա, քան հույսը դնել մարդկանց վրա» (Սաղմոսներ 117:8) «Ակնհայտ է՝ Ադրբեջանը վախենում է, որ ՅՈՒՆԵՍԿՕ-ի փորձագետները մուտք գործեն հայկական մշակութային վայրեր» Քրիստոնեությունը հաղթեց կռապաշտությանը, Աստվածային սերը Մայր Աթոռ Սուրբ Էջմիածնի Կրթական հարցերով ենթախումբը հանդես է եկել հայտարարությամբ Թադևոս Տոնոյան․ Հայաստան
website by Sargssyan