USD
EUR
RUB

«Կուզեի, որ արվեստագետը մեր երկրում գնահատվեր այնպես, ինչպես Եվրոպայում»

 

Ասում է թավջութակահար Արտյոմ Իոաննիսյանը:

Խաչատրյանի անվան տրիոյին, որը հիմնադրվել է 1999թ., առանձնապես ներկայացնելու հարկ չկա ոչ միայն հայաստանցի, այլեւ արտերկրի հանդիսատեսին։ Տրիոն բարձրարվեստ կատարումներով հանդես է եկել Ռուսաստանում, Մերձբալթիկայում, Եվրոպայում, Հյուսիսային եւ Հարավային Ամերիկաներում, ինչպես նաեւ արեւելյան երկրներում։ Վերջին տարիներին կոլեկտիվը զբաղվում է նաեւ լուսավորչական գործունեությամբ՝ վարպետության դասեր անցկացնում Հայաստանի մարզերում, էլ չխոսենք տրիոյի թողարկած CD-ների մասին, որոնցում ներկայացված են ոչ միայն հայ դասականների՝ Առնո Բաբաջանյանի, Ալեքսանդր Հարությունյանի կամերային ստեղծագործություններն, այլեւ Չայկովսկու, Արենսկու, Շոստակովիչի եւ այլ մեծանուն ստեղծագործողների երկեր։

«Առավոտը» ներկա էր այս տարվա փետրվարին կայացած տրիոյի համերգին։ 15 տարի տրիոն հանդես է եկել հետեւյալ կազմով՝ դաշնակահարուհի Արմինե Գրիգորյան, ջութակահար Կարեն Շահգալդյան, թավջութակահար Կարեն Քոչարյան։ Անակնկալի եկանք, երբ թավջութակահարի «դերում» երիտասարդ Արտյոմ Իոաննիսյանն էր։ Այդ առիթով Արմինե Գրիգորյանն ընդամենն ասաց, որ պատճառը համավարակն է։ Համերգին հետեւեց տրիոյի հյուրախաղերը Ռուսաստանի 11 քաղաքներում՝ Մոսկվա, Չելյաբինսկ, Պետրոզավոդսկ եւ այլն։

Խաչատրյանական տրիոն Մոսկվայում

Կոլեկտիվը վերջերս է վերադարձել եւ մենք զրույցի հրավիրեցինք երիտասարդ թավջութակահարին, որի անունը՝ որպես տաղանդավոր երաժշտի, առայժմ հոլովվում է մասնագիտական շրջանակներում, թեեւ Արտյոմ Իոաննիսյանի ելույթներին՝ իբրեւ մենակատար, հանդիպել ենք ֆիլհարմոնիկի, սիմֆոնիկի, կամերային նվագախմբերի հետ, ինչպես նաեւ հայաստանյան մրցույթներում, այդ թվում՝ Ավետ Գաբրիելյանի եւ Սարգիս Ասլամազյանի անվան։ Երիտասարդը Չայկովսկու անվան երաժշտական մասնագիտական դպրոցի ավարտական դասարանում է, ուսանում է Գայանե Ռաֆայելյանի ղեկավարությամբ։ Զրույցի ընթացքում պարզեցինք, որ երաժիշտը անցյալ տարի՝ մինչ համավարակի պատճառով աշխարհի «փակվելը», փետրվարին մասնակցել է Ավստրիայում կայացած Աննա Կուլի անվան միջազգային մրցույթին, իսկ մինչ այդ՝ «Կլայպեդա» մրցույթին, Գերմանիայում էլ նախնական լսումներ անցնելով՝ մոտ մեկ ամիս մասնակցել է «Moritzburg» փառատոնային նվագախմբի համերգներին։ Թավջութակահարը խնդրեց իր երախտիքի խոսքը հայտնել Խաչատրյան տրիոյի երաժիշտներին՝ իրեն նման պատվի արժանացնելու համար։ «Սա մեծ փորձ էր, մեծ պատասխանատվություն՝ նման երաժիշտների հետ համագործակցելը եւ, իհարկե, մեծ հաճույք»,- նշեց Արտյոմը։

Քանի որ կուլիսներում շատ է խոսվում, թե հայաստանյան երաժշտական կոլեկտիվները իրենց ծրագրերում մեծ տեղ են հատկացնում համաշխարհային երաժշտական օլիմպիայում վաղուց իրենց տեղը գտած հեղինակների երկերին՝ անտեսելով մեր դասականներին, հետաքրքրվեցինք, թե ռուսաստանյան տուրնեին ի՞նչ ծրագրով է հանդես եկել տրիոն։ «Հանդես եկանք Դվորժակի, Բեթհովենի, Ալեքսեյ Շորի տրիոների մեկնաբանություններով, նաեւ Խաչատրյանի, Բաբաջանյանի, Միրզոյանի որոշ ստեղծագործությունների փոխադրումներով տրիոյի համար եւ ներկայացրինք մեր ժամանակակից Միխայիլ Կոկժաեւի տրիոն։ Ի դեպ, Շորի ստեղծագործությունը համաշխարհային պրեմիերա էր»,- տեղեկացրեց Արտյոմը։ Ըստ մեզ հասած տեղեկությունների՝ երիտասարդը դպրոցն ավարտելուն պես պատրաստվում է ուսումը շարունակել Եվրոպայում, ինչը չհերքեց մեր զրուցակիցը։ «2017-18 թվականները վարպետության դասընթացների եւ ելույթների առումով առանց չափազանցության հագեցած էին ինձ համար։ Ուկրաինայում մասնակցեցի ArtCello փառատոնին, վերջինիս շրջանակներում վարպետության դասերին եւ ունեցա մենահամերգների շարք։ Այնտեղ ծանոթացա Ժնեւի եւ Բեռնի բարձրագույն երաժշտական դպրոցների պրոֆեսոր Բենիս Սեվերինի հետ, ում հետ բարեկամական եւ ստեղծագործական կապը շարունակվում է մինչ օրս։ Այո, դպրոցն ավարտելուն պես կմեկնեմ Շվեյցարիա՝ մաեստրոյի մոտ ուսանելու նպատակով»,- ասաց թավջութակահարը։ Դիտարկմանը՝ ստացվում է, որ մեր տաղանդների արտահոսքը, որը մեծ հաշվով սկսվել է շուրջ 30 տարի առաջ, ունի սկիզբ եւ ոչ վերջ, մեր զրուցակիցը պատասխանեց. «Գնում եմ, բայց ոչ ընդմիշտ հեռանում։ Ցանկացած առիթ բաց չեմ թողնի եւ կգամ հայրենիք հյուրախաղերի։ Կուզեի, որ արվեստագետը մեր երկրում գնահատվեր այնպես, ինչպես Եվրոպայում։ Խնդրում եմ ասածս չընկալել միայն ֆինանսական առումով…»։

Հարցին՝ ի վերջո հաջողությունների հասել է Հայաստանում ստացած կրթության շնորհիվ, թե՞ տաղանդի կամ աշխատասիրության…, Արտյոմ Իոաննիսյանն ընդամենն ասաց. «Մեր երաժշտական դպրոցներում կրթությունն իսկապես բարձրակարգ է, իսկ ինչ վերաբերում է ինձ, այդ ամենին հասել եմ սիրելով եւ լիարժեք տրվելով իմ գործին»։

Երիտասարդը անդրադառնալով տրիոյի գործունեությանը, նշեց, որ իրենց հաջորդ բեմելը մայիսի 9-ին է, Կոմիտասի անվան կամերային երաժշտության տանը։

Սամվել ԴԱՆԻԵԼՅԱՆ

 

Լրահոս
Հովհաննես Գառնեցու մասին Մահացել է ճարտարապետ, նկարիչ Ֆրիդոն Ասլանյանը Կոնսերվատորիայի ուսանողները հանդես կգան Ֆրանսիայի ազգային տոնին նվիրված համերգով Ֆիլհարմոնիկ նվագախմբի կամերային համերգաշարի շրջանակում կհնչեն Ֆրանց Շուբերտի գործերը Վերականգնվում են «Անվերջության ժապավեն» և «Արձագանք» մոնումենտալ քանդակները Տաճարն Աստծու տունն է «Ճախրուկ» փառատոնը կատարումներով կզարդարեն Արտո Թունչբոյաջյանը և Armenian Navy Band խումբը Մահացել է հայտնի դուդուկահար Ջիվան Գասպարյանը Տիգրանակերտի դեպքում ադրբեջանցիները չգիտեն՝ մեզ ինչի մեջ մեղադրեն. Համլետ Պետրոսյան «Բայց դուք, եղբարք, մի ձանձրանաք բարիք գործելուց» Հայաստանի պետական կամերային երգչախումբը բարձր մակարդակով է ելույթ ունեցել Ռավեննայի փառատոնին «Բաբաջանյանը Երևանում»՝ հուլիսի 3-9-ը Աստծու գոյությունը, մաս 3-րդ «Ոսկե ծիրան» կինոփառատոնը 2021-ին կանցկացվի հոկտեմբերին «Ոսկե ծիրան» կինոփառատոնը 2021-ին կանցկացվի հոկտեմբերին ԳԱԿ-ը հայտարարում է «Գագիկ Հարությունյան. մոռացումի անսպասելի գեղեցկությունը» ցուցադրության բացման մասին Ջեյմի Լի Քյորտիսը Վենետիկի փառատոնի «Ոսկե առյուծ» մրցանակ կստանա կինեմատոգրաֆում ներդրած ավանդի համար Իտալիայում մեկնարկել են Հայաստանի պետական կամերային երգչախմբի փորձերը Կրքերի մասին Վահագն Դավթյան․ Քարե քնքշանք ԱԺ-ն ընդունեց կինեմատոգրաֆիայի ոլորտը կանոնակարգող նոր օրենքը Հայկական հանդերձի գունեղ ու զարմանալի ավանդույթները՝ «Դրվագներ ինքնության. Տարազ» ցուցահանդեսում Ռազմիկ Դավոյան. Իմ ձայնը անմարմին, անգլուխ... Միքայել Միրզոյանի անվան երաժշտական դպրոցն ամփոփիչ համերգ է տվել Նարեկ Հախնազարյանը Սիմֆոնիկ նվագախմբի հետ կներկայացնի իրեն նվիրված կոնցերտը Սպենդիարյանի 150-ամյակին լույս է տեսել «Ալմաստ» օպերային նվիրված Գեորգի Բուդաղյանի գիրքը Լիվերպուլի պատմական հատվածը կարող է զրկվի ՅՈՒՆԵՍԿՕ-ի Համաշխարհային ժառանգության կարգավիճակից Ռուսական արվեստի թանգարանում կբացվի «Որոնելով գեղեցիկը։ Միխայիլ Վռուբել» ցուցահանդեսը Որ մեր սրտերը չխռովվեն, որ չվախենանք․ կայունացման ուղին «Դարի գողությունը» բացահայտվել է. Հունաստանի ոստիկանությունը հայտնաբերել է 9 տարի առաջ գողացված Պիկասոյի և Մոնդրիանի կտավները Համազգային թատրոնը փոխեց չեխովյան փառատոնի իմիջը.«Փափլիկը» ներկայացումը արժանացել է բարձր գնահատականի «Երևանյան հեռանկարներ» փառատոնի առաջին համերգին ելույթ կունենա Իտալիայից ՀՀ ժամանած դաշնակահար Մայա Օհանյանը Աստծու սերը միտքը ուղղում է դեպի սիրտ Խաբվածները Համո Սահյան․ Կածանն ինձ տաներ... Գրիգոր Տատինցյանի «փախուստը» դեպի վառ իրականություն Գրատպության թանգարանի առաջին առցանց հավաքածուն հասանելի կլինի Google Arts & Culture հարթակում «Նովելի իշխան» Գրիգոր Զոհրապի ծննդյան 160-ամյակն է Շուշին 1902թ. օգոստոսին, Բ մաս Աղոթքը դառնում է սրտաբուխ, երբ միտքն իջնում է սիրտ
Ամենաընթերցված
website by Sargssyan