USD
EUR
RUB

Թադևոս Տոնոյան․ Հայաստան

 

Հայաստան
Ընթածիրը քո մի՞թե վերջացավ,
Անցավ երկինքը քո գլխից արդեն.
Դեմ է առել քեզ մի ստերջացավ,
Ծավոտ լեռներդ մաշվե՜լ ու հա՜րթ են։

Հուսահատությունն՝ իբրև յաթաղան,
Տաղանդը մտքիդ կտրում է փերթ-փերթ,
Երթդ կանգնել է, ու ներկադ դաղված
Թախանձում է քեզ, կաղկանձում՝ վրե՛ժ,

Որ սպանվում են հպարտությո՛ւն, սե՛ր,
Սերտաճած լքման ցավին, որ փուչ է,
Ու չեղավ մեկը, որ շուրթ չքսեր
Զեռացող ստի աղին քարկճեղ:

Արդեն սառչում է արևդ թեքված,
Ճեղքված լեռներդ մաշվե՜լ ու հա՜րթ են,
Բայց մայրերդ դեռ վառում են կանթեղ՝
Անթեղելու քո լույսը, որ ե՛տ գաս,
Ե՛տ գաս կասկածից, Կասկածից մահեղ:

Հայաստան
Էս անկուշտները չոքել են բկիդ՝
Հոգիդ հանեցին, հողերդ կերան,
Աստված մեր հոգին սրանցից փրկի,
Քամեցին կյանքդ երակ առ երակ,
Կարկուտ բերեցին ածուիդ վրա,
Ու պանդուխտներդ գնացին, չեկան,
Կորցրել ես դու և՛ հույս, և՛ հավատ.
Չրթում են սերմդ, խժռում են հատ-հատ:

Հայաստան
Ես կամաց-կամաց մոռանում եմ քեզ.
Երևի ես էլ պիտի հեռանամ
Դաշտերն անանուն, քո հողը գրկեմ
Ու մնամ այդպես ու այդպես մնամ
Երկինքների տակ, որ տեղյակ չեղան
Իմ վերջանալուն:
Բայց ջանալու եմ,
Դեռ ջանալու եմ,
Որ դարձյալ չելնես դու զոհասեղան,
Չգնաս-կորչես ոտի տակ նրանց,
Ովքեր քո որդուն տանում են սահման՝
Կրակի բերան՝
Քեզ խլխլելով,
Քեզ թալանելով նրանից մաս-մաս։

Հայաստան
Մարդը չփոխվեց, ու տիեզերքն էլ
Դեռ պտտվում է առանցքի շուրջն իր,
Սերը, միմիայն սերն է քո զենքը,
Որ պիտի հյուսես մարդու անուրջին
Հյուլերով Լեզվիդ՝ յոթ լուսատարի
Մեզանից հեռու, ուր ձայնդ՝ երգող,
Պատճառ կդառնա կյանքի ու սիրո՝
Աստղերի վրա՝ մեկ-մեկ ու հերթով։

Հայաստան
Տե՛ր, ազատի՛ր
Հայաստանն անարժաններից,
Որ մենք գրո՛վ մեր ապրենք, որը հենց քոնն է,
Որ փորձության օրերի տխուր ժամերին
Չմարմրեն մեր վերջին հույսերը գոնե:
Տե՛ր, Հայաստանն ազատի՛ր դրուժաններից,
Խուժանից ու բիրտ ուժից, գույժից ու տույժից,
Եվ տուր հնար, որ հայի սահմանն այնտեղ լինի, ուր
Նրա հոգին է հիմա աստանդական ու տխուր։

Հայաստան
Դանդաղ հոգնում են իմ հոգու երկրում
Աշխատանք,
Տաղանդ ու Զոհաբերում,
Արնաքամվում է հոգին լուռ Մարդու
Եվ Հույսը, Հույսը էլ չի համբերում,
Թե դարձյալ քեզ տեր կկանգնենք, Երկի՛ր՝
Կհեգենք Խոսքը քո Անվերջացած,
Որ պիտի դարձյա՛լ անողոք հերքի
Հուսահատության ամեն ստերջացավ։

Հայաստան
Երազանքներիդ վե՛րջ տուր,
Հայաստա՛ն,
Ժամն է, գաղտնագեն զե՛նքդ ստեղծիր
Եվ վարիչներիդ, որ մոլախտ, հուսատ՝
Քեզ լոկ խոսքեր են ստում երգեցիկ,

Ցո՛ւյց տուր հայացքդ՝ փայլով սուր-բահի,
Ե՛տ առ նրանցից ոսկե թագ ու խույր
Եվ հուսավառման մի խրոխտ պահի,
Որքան էլ լինի արևդ տխուր,

Ա՛ռ արշալույսի թուրը ճակատիդ
Ու ձեռքդ թո՛ւրն առ քո Դավթի կրկին,
Մինչև որ տերը երկինքը քանդի
Նրանց գլխին, որ տրվել են կրքին
Սպանելու, ստի։

Հայաստան
Վաղուց երկիրն իմ լույս է անթեղում
Ու ապրում՝ որպես Աստծո մի գավառ,
Ո՜ւր էր, թե նրա ավիշը բեղուն
Հավատն հասցներ աստղին միգավառ։

Նա քավարան է ընդհանուր հոգու,
Ու աստղաճամփի հուժկու թիավար,
Աղոթքն այստեղ միշտ ճամփա է հոգում
Դեպի Շրջածիր ու դեպի Հավատ։

Այստեղ փթթում է անեզրական վարդ՝
Բույրով եդեմի, գույնով կենսադեղ,
Այստեղ մեռնում են և՛ մահ, և՛ ավարտ,
Անմահանում են՝ ապրելով այստեղ:

Աղբյուր՝ Grakantert.am

Լրահոս
Մենանվագ Կամերային երգչախումբը սկավառակի շնորհանդես-համերգով ներկայացրեց Էդգար Հովհաննիսյանի խմբերգերը Ավարտվեց «Երաժշտություն հանուն ապագայի» կրթաթոշակառուների համերգաշարը Օգնելով ուրիշին՝ օգնում ես ինքդ քեզ «Արցախյան կամուրջներ». Թումանյանի թանգարանում կբացվի Զոհրաբ Ըռքոյանի լուսանկարների ցուցահանդեսը Christie's աճուրդում վաճառվել են Վան Գոգի, Շագալի, Պիկասոյի և այլ հայտնի նկարիչների գործերը Նոր ցուցադրություն` Գեղագիտության ազգային կենտրոնի թանգարանում Նկարիչ Վազգեն Քալայջյանի երեսուն տարվա աշխատանքները կցուցադրվեն նորաբաց «Լաթիթյուդ» պատկերասրահում Մայիսի 18-ին հայաստանյան և արցախյան 113 մշակութային կազմակերպության մուտքն անվճար է Քրիստոսի բարի մշակը. Մովսես Տաթևացի Պեղումների արդյունքում Արտաշատում բաղնիքներ, պալատներ և հռոմեական ակվեդուկ է հայտնաբերվել Խաչատրյանի անվան մրցույթին մասնակցելու հայտ է ներկայացրել աշխարհի 27 երկրի դիրիժոր Չծուլանալ, չհուսահատվել, միայն հավատալ Ճարտարապետ Հովհաննես Մարգարյանի եզակի էսքիզները ներկայացված են «Քարի ձայնն ու բույրը» ցուցահանդեսում ՀՀ ժողովրդական արտիստ, կոմպոզիտոր Էդվարդ Միրզոյանի ծննդյան օրն է Ո՞վ է մերձավորը 106 տարեկանում կյանքից հեռացել է աշխարհի ամենատարեց գործող դերասանը Կառլովի Վարիի կինոփառատոնը հետաձգել են օգոստոսի վերջին «Կաֆկայի երազը» ընդգրկվել է Հելսինկիիում կայանալիք անիմացիոն ֆիլմերի միջազգային փառատոնի ծրագրում Մոսկվայում վերջին հրաժեշտն են տվել ՌԴ ժողովրդական արտիստ Միխայիլ Բաղդասարովին Աղոթքը ջանք է պահանջում Ժողովրդական արվեստի կրքոտ սիրահարը. ազնիվ, հայրենասեր ու սկզբունքային. այսպիսին էր գեղանկարիչը Վահան Արծրունին «Կոմիտաս. տասը հայտնություն» համերգ կունենա Վարդապետի թանգարան-ինստիտուտում Sotheby's-ն աճուրդի է հանել Վասիլի Կանդինսկիի` 25-35 մլն դոլար գնահատվող կտավը Ազգային գրադարանը ներկայացրեց Շուշիի տպարաններում հրատարակված հետաքրքիր գրքերն ու ամսագրերը Կհնչեն Ալեքսանդր Սպենդիարյանի և Երվանդ Երկանյանի ստեղծագործությունները Ա Պետրոս 3:17 Արա Հուսիկ․ Սաղմոսներ Արցախի հայոց ժառանգությունը վտանգված է. Մայր Աթոռ Ս. Էջմիածինը ահազանգում է Օպերային թատրոնի բեմ կբարձրանա Ռուջերո Լեոնկավալոյի «Պայացներ» ներկայացումը «Չգիտե՞ք, որ Աստծու տաճար եք» Հայ հեղինակները ներկայացվել են Եվրոպական Միության գրական մրցանակի Ֆիլհարմոնիկ նվագախմբի համերգով կմեկնարկի Էդվարդ Միրզոյանի անվան մրցույթը Աղոթքի արտաքին սովորույթը Հայկ Կազազյանի, Վահագն Պապյանի մասնակցությամբ համերգով մեկնարկեց Հայ կոմպոզիտորական արվեստի փառատոնը Վրուբելի «Դևը և հրեշտակը Թամարայի հոգու հետ» կտավը Երևանից կտարվի Մոսկվա Ձայնը Տուն-թանգարանի այցելուները հնարավորություն կունենան տեսնելու Արամ Խաչատրյանի հետմահու դիմակը Տուն-թանգարանի այցելուները հնարավորություն կունենան տեսնելու Արամ Խաչատրյանի հետմահու դիմակը «Նարեկ» համույթը «44» պարային ներկայացմամբ արվեստասերներին կպատմի 44-օրյա պատերազմի մասին
website by Sargssyan