USD
EUR
RUB

«Նարեկ» համույթը «44» պարային ներկայացմամբ արվեստասերներին կպատմի 44-օրյա պատերազմի մասին

 

ԵՐԵՎԱՆ, 4 ՄԱՅԻՍԻ, ԱՐՄԵՆՊՐԵՍ: Արցախյան 44-օրյա պատերազմին արվեստագետներն անդրադառնում են և՛ երաժշտությամբ, և՛ կտավներով, և՛ թատերական ներկայացումներով, համերգային ծրագրերով ու այլ նախաձեռնություններով: «Նարեկ» համույթը, որն իր գործունեության ընթացքում ներկայացումներով հանրայնացրել է հայ մարդուն, Հայաստանին հուզող խնդիրները, պատերազմի մասին ևս կխոսի պարի լեզվով:

Համույթի «44» պարային ներկայացման առաջնախաղը տեղի կունենա մայիսի 6-ին Հ. Ղափլանյանի անվան դրամատիկական թատրոնում:

«Արմենպրես»-ի թղթակցի հետ զրույցում համույթի գեղարվեստական ղեկավար Արման Ջուլհակյանն ընդգծում է, որ ներկայացման մեջ քաղաքական ենթատեքստեր չկան: Նա վստահեցնում է՝ մեկ գործողությամբ պարային ներկայացման հանդիսատեսին կարևոր արժեքների մասին մտորելու, խորհելու հնարավորություն կտա: «Սա հայրենասիրական բնույթի ներկայացում է: Ժողովուրդ, որը կուրորեն ապրում է, ստեղծում է, արարում է, գնում է պատերազմ՝ հանուն հայրենիքի: Ե՞րբ են բացվում մարդու աչքերը: Երբ նա կորուստներ է կրում: Բեմադրությունը դիտելուց հետո յուրաքանչյուրը պետք է իրեն հարց տա, թե ի՞նչ լուծում է հնարավոր գտնել»,-նշում է Ջուլհակյանը:

Ամբողջ ներկայացման ընթացքում արտիստները պարում են կապած, փակ աչքերով: Նրանց աչքերը բացվում են միայն բեմադրության եզրափակիչ հատվածում, և վերջիններս հասկանում են, թե ինչ է տեղի ունեցել:

Ներկայացման ռեժիսորը Դրամատիկական թատրոնի ռեժիսոր, դերասան, ՀՀ վաստակավոր արտիստ Գրիգոր Խաչատրյանն է: Ջուլհակյանը համագործակցում է նաև խորեոգրաֆ Արա Ասատուրյանի հետ: Թիմի անդամներն են մենապարուհի և փորձավար Մելինե Առաքելյանը, տնօրեն Աիդա Անդրեասյանը:

Արման Ջուլհակյանի խոսքով՝ 1915 թվականից մեր վերքերը չեն սպիացել, և համույթն արվեստի միջոցով մշտապես անդրադառնում է ցավոտ թեմաների, առաջ է քաշում հասարակությանը հուզող խնդիրներ: «Մինչև հիմա մենք պայքարում ենք, որ աշխարհը ճանաչի Հայոց ցեղասպանությունը: Պետք է նաև պայքարել, բարձրաձայնել այսօրվա խնդիրները՝ պատերազմներից և այլ արհավիրքներից հետագայում խուսափելու համար: «Նարեկ» պարային համույթը հաճախ է շրջագայում ոչ միայն Հայաստանի տարբեր մարզերում, այլև արտերկրում և պարի միջոցով ներկայացնում Հայաստանին առնչվող հարցեր: Մեր բոլոր ներկայացումներում մեր պատմությունն է, և այն պատմում ենք նաև օտարներին»,- ընդգծում է բալետմայստերը:

2017 թվականին համույթը Նյու Յորքի Բրոդվեյ փողոցում խաղացել է երկու մասից բաղկացած ներկայացում: Հանդիսատեսի 30 տոկոսն է հայ եղել, մյուսները՝ օտարազգիներ: «Ներկայացումը լայն արձագանք ստացավ: Այն ընկալեցին բոլորը: Մենք ասես գտել ենք նոր ոճ, ունենք ասելիք, որն ընթեռնելի է օտար հանդիսատեսին: Հույս ունեմ, որ «44»-ն էլ հաջողություն կունենա, և այն կփորձենք ներկայացնել Հայաստանից դուրս»,- ասում է Ջուլհակյանը:

Բալետմայստերը երախտագիտությամբ է նշում, որ Արցախյան 44-օրյա պատերազմի առաջին իսկ օրվանից համույթի կողքին են եղել Անրի Վեռնոյի որդին՝ Պատրիկ Մալաքյանը, Յան Ֆրանչեսկին և նրա կինը, Ստեփան Ավետիսյանը, Միքայել Վեմիանը, որոնք թե՛ ֆինանսական, թե՛ բարոյական մեծ աջակցություն են ցույց տվել Արցախյան 44-օրյա պատերազմի օրերին: Նրանք համույթի միջոցով օգնություն են տրամադրել պատերազմում տուժածներին:

«Որպես արվեստագետ մենք չենք կարող և չենք ցանկանում քաղաքականությամբ զբաղվել, սակայն մեր ներսում կուտակված ապրումներ, հույզեր կային, որոնք պետք է արտահայտեինք: Դա անում ենք ներկայացման միջոցով: Հենց վերոնշյալ մարդիկ մեզ օգնեցին ներկայացման ստեղծման հարցում՝ բեմի վարձակալություն, հագուստներ, պաստառներ, գովազդներ համացանցում և այլն: Մայիսի 6-ին ներկայացումը երեկոյան 21:00-ին է: Այդ ժամն ենք ընտրել, որպեսզի այն առցանց հեռարձակվի ամբողջ աշխարհում: «44»-ը օնլայն հնարավոր է դիտել #44 YouTube-ի պաշտոնական ալիքով»,- շեշտում է Արման Ջուլհակյանն ու հավելում, որ իրենց աջակիցներն արտասահմանից ժամանել են Երևան՝ ներկայացումը դիտելու համար:

Անժելա Համբարձումյան

Լրահոս
Քամի ցանողը փոթորիկ կհնձի Այլասերում է երիտասարդությանը. Կիմ Չեն Ընը K-pop-ը «չարորակ ուռուցք» է անվանել «Առնո Բաբաջանյան» համերգասրահը եւ Ֆիլհարմոնիան նոր փուլ են թեւակոխել «Մատանիների տիրակալը» ֆիլմի երկրպագուները պահանջում են հեռացնել նոր մասից ինտիմ տեսարանները Ողորմություն եմ կամենում և ոչ՝ զոհ Մերձավորին մի՛ դատիր Արմեն Ջիգարխանյանի հուշարձանը նոյեմբերին կտեղադրվի Վագանկովյան գերեզմանատանը Դուդուկահար Արսեն Պետրոսյանը թողարկել է «Հոգին ճանապարհ» ալբոմը, որը ներառում է հայաստանյան մշակույթի տարբեր դարաշրջանների 11 գործ Պարսկերեն-հայերեն բացառիկ բառարանում ընդգրկվել է պարսկերեն շուրջ 25 հազար բառ և արտահայտություն 88-ամյա օպերային թատրոնի` «Պայացների» հերթական պրեմիերան Մտքերը ժողովելը Հովհաննես Թումանյան․ Քառյակներ Այվազովսկու կտավը վաճառվել է նախնական գնից գրեթե երկու անգամ թանկ Արամ Խաչատրյանի անվան մրցույթի տասնվեց մասնակցից միայն վեցը կանցնեն երկրորդ փուլ «Ժամանակն օգտագործեցե՛ք» «ԲԱՆ ՔԵԶ Ի ՀԱՃՈՅՍ...» Համազգային թատրոնը «Փափլիկը» ներկայացմամբ կմասնակցի Չեխովյան 15-րդ փառատոնին Հավատ և սեր Վաստակաբեռն արվեստաբանի մատենագիտությունը Ծուլության կամ անգործության ժամանակը չէ, այլ՝ ապաշխարության Կոնստանտին Օրբելյանը նշանակվել է Նյու Յորքի քաղաքային օպերայի երաժշտական տնօրեն և դիրիժոր Առավել ծածուկ, մեկ-մեկ բացահայտ Վահան Սաղաթելյան. Տաշած քարեր «Ախթամար» քառյակը և «Կադանս» անսամբլը կներկայանան «Երաժշտություն՝ Հայաստանին» համերգով Թուրքիայում գտնվող 605-ամյա Արմաշի հայկական վանքը լքված և անմխիթար վիճակում է Պատասխան ենք տալու (Մատթ. 23:36) Գյումրեցի հանդիսատեսը հոտնկայս լսեց ու երգեց «Project LA»-ի ստեղծագործությունները (տեսանյութ) Պահքի խորհուրդը Ֆիլհարմոնիկ նվագախմբի համերգով կմեկնարկեն Ալեքսանդր Սպենդիարյանի 150- ամյակի միջոցառումները Մահացել է «Միմինո» ֆիլմի սցենարի հեղինակ Ռեզո Գաբրիաձեն Ա Պետրոս 3:20 Մռայլ գիշերն է լռում Գոյապայքար՝ տալ ոչ թե ավելորդից, այլ ամբողջը (Մարկ. 12:41-44, Ղուկ. 21:1-4) «Վերադարձ դեպի ապագա». Գյումրիի «Սթիլ» թանգարանում նոր ցուցադրություն է բացվել Հավատքն առանց գործերի Երիտասարդն ապամոնտաժել է «Արցախի բանալի» հուշարձանը Ա Պետրոս 3:19 Կամերային նվագախումբը և Արեգ Նավասարդյանը կներկայանան «Տարվա եղանակներ» խորագրով համերգով Ստեփանակերտն ու Փարիզը «հարստացան» Շառլ Ազնավուրի կիսանդրիներով Ս. Գրքի Սրբազան պատմությունը
website by Sargssyan