Մահացել է «Միմինո» ֆիլմի սցենարի հեղինակ Ռեզո Գաբրիաձեն

Թբիլիսիում 84 տարեկան հասակում կյանքից հեռացել է թատրոնի և կինոյի ռեժիսոր, գրող և սցենարիստ, Գեորգի Դանելիայի «Միմինո» ֆիլմի սցենարիստներից Ռեզո Գաբրիաձեն:

Վրաստանի կրթության, գիտության, մշակույթի և սպորտի նախարարությունը խորին ցավակցություն է հայտնել Ռեզո Գաբրիաձեի կյանքից հեռանալու կապակցությամբ:

Իր հաղորդագրության մեջ նախարարությունը Վրաստանի ժողովրդական արտիստ Գաբրիաձեին անվանել է ականավոր գրող, նկարիչ, թատրոնի և կինոյի ռեժիսոր:

Գաբրիաձեն ավելի քան 35 վրացական և սովետական կինոնկարների սցենարների հեղինակ է։ 1981 թվականին նա հիմնադրել է Թբիլիսիի տիկնիկային թատրոնը։

Աղբյուր` Panorama.am