USD
EUR
RUB

Արամ Խաչատրյանի անվան մրցույթի տասնվեց մասնակցից միայն վեցը կանցնեն երկրորդ փուլ

 

ԵՐԵՎԱՆ, 9 ՀՈՒՆԻՍԻ, ԱՐՄԵՆՊՐԵՍ: Արամ Խաչատրյանի անվան մրցույթի առաջին փուլի արդյունքներն ամփոփվելու են հունիսի 9-ի երեկոյան: Աշխարհի տարբեր երկրներից Հայաստան ժամանած 16 մասնակցից երկրորդ փուլ կանցնեն միայն վեցը:

«Արմենպրես»-ի թղթակիցը մասնակցել է մրցույթի փորձին, զրուցել կազմակերպիչների, մասնակիցներից մի քանիսի հետ:

«Արամ Խաչատրյան մրցույթ» մշակութային հիմնադրամի գործադիր տնօրեն Մարտին Թովմասյանը հիշեցրեց, որ մասնակիցներն ըստ վիճակահանության, որը տեղի է ունեցել հունիսի 6-ին, սկսել են փորձերը, որոնք մեկնարկում են ամեն առավոտ, իսկ երեկոյան լսումներն են:

«Մրցույթն այս տարի երկու փուլով է անցկացվում: Ժյուրիի կնախագահը Հայաստանի ազգային հերոս, ԽՍՀՄ ժողովրդական արտիստ Հովհաննես Չեքիջյանն է: Ժյուրիի կազմում են բարձրակարգ մասնագետներ աշխարհի տարբեր ծայրերից: Առաջին տեղը զբաղեցրած մասնակիցը 10 հազար ԱՄՆ դոլարին համարժեք դրամ կստանա, կլինի չորս այլ մրցանակ, նախատեսվում են նաև հատուկ մրցանակներ»,-նշեց նա ու հավելեց, որ հունիսի 12-ին մրցույթը կեզրափակվի գալա-համերգով ու մրցանակաբաշխությամբ:

Թովմասյանի խոսքով՝ մասնակիցներից շատերը ոչ թե մեկ, այլ մի քանի նվագախմբում են ընդգրկված: Հիմնադրամի գործադիր տնօրենը վստահ է՝ կա մրցակցություն, մասնակիցները կազմակերպված են, լավ են տրամադրված: Չնայած համավարակին՝ մրցույթի աշխարհագրությունը լայն է. ժամանել են դիրիժորներ Ճապոնիայից, Չինաստանից, Ռուսաստանից, Գերմանիայից և այլ երկրներից:

Թովմասյանը հույս հայտնեց, որ կլինեն նոր անուններ, որոնք համաշխարհային երաժշտարվեստում իրենց ուրույն տեղը կունենան, կդառնան Հայաստանի և Արամ Խաչատրյանի դեսպաններն ամբողջ աշխարհում:

Հարավային Կորեայից Հայաստան ժամանած դիրիժոր Յեո Ռիոնգ Անը, որը բազմաթիվ մրցույթների է մասնակցել, շեշտեց՝ Խաչատրյանի մրցույթն ամբողջ աշխարհում հանրահռչակված է: Այն կարևոր իրադարձություն է դիրիժորների համար:

Երիտասարդ դիրիժորը կարծում է, որ մրցույթը կարող է լուրջ դերակատարություն ունենալ հատկապես ուսանողների, սկսնակ դիրիժորների կյանքում, որոնք ցանկանում են մասնագիտանալ իրենց գործում: Նրանց համար Հայաստանի պետական սիմֆոնիկ նվագախմբի հետ հանդես գալը մեծ փորձառություն է:

Յեո Ռիոնգ Անը համավարակի պատճառով բեմ բարձրանալու հնարավորություն գրեթե չի ունեցել, ուստի իր համար ևս մրցույթին մասնակցելը երաժշտությումբ զբաղվելու հրաշալի հնարավորութուն է:

Անդրադառնալով Արամ Խաչատրյանի երաժշտությանը՝ նա ասաց, որ վաղուց է ծանոթ մեծ կոմպոզիտորի ստեղծագործություններին: Նրան շատ է տպավորել հատկապես «Գայանե» բալետը, որը, ըստ Յեո Ռիոնգ Անի, խորն է, զարմանալի:

Զեկե Ֆետրոուն մրցույթին մասնակցեու նպատակով Հայաստան է եկել ԱՄՆ-ից: Իր ընկերներից է բազմիցս լսել Խաչատրյանի մրցույթի մասին: «Նրանք ասում էին, որ այն զարմանալի է, իսկ մարդիկ բարեհամբույր են, ուտելիքն է հիանալի, ուստի, եթե երբևէ հնարավորություն ընձռվի, անպայման պետք է մասնակցել: Շոյված էի, որ աշխարհի տարբեր երկրների դիրիժորների հետ ինձ էլ հնարավորություն տրվեց մասնակցելու մրցույթին, որի շրջանակում ունկնդրեցի նվագախմբի ֆանտաստիկ կատարումները»,- պատմեց Ֆետրոուն:

Նա իր գործունեության ընթացքում հաճախ չի առնչվել Խաչատրյանի երաժշտությանը, այդ իսկ պատճառով, մրցույթն իր համար հետաքրքիր է նաև այդ առումով: Դիրիժորը բացահայտում է կոմպոզիտորի ստեղծագործությունները: Նրան հիացրել, ցնցել է «Սպարտակ»-ը, յուրահատուկ է համարում Խաչատրյանի թիվ 2 սիմֆոնիան:

Զեկե Ֆետրոուն վստահ է՝ ուր էլ գնա, իր հետ կտանի Խաչատրյանի երաժշտությունն ու հաճախ կկատարի այն ամբողջ աշխարհում:

Ավանդույթի համաձայն՝ Ա. Խաչատրյանի անվան մրցույթը մեկնարկում է մեծանուն կոմպոզիտորի ծննդյան օրը՝ հունիսի 6-ին, կոմպոզիտորի անվան համերգասրահում: Մրցույթի պաշտոնական նվագախումբը Հայաստանի պետական սիմֆոնիկ նվագախումբն է, որի գեղարվեստական ղեկավարը և գլխավոր դիրիժորը Սերգեյ Սմբատյանն է:

Մրցույթն անցկացվում է «դաշնամուր», «ջութակ», «թավջութակ», «դիրիժորություն», «վոկալ» մասնագիտություններով:

Այն Միջազգային երաժշտական մրցույթների համաշխարհային ֆեդերացիայի (World Federation of International Music Competitions) անդամ է: Մրցույթի կազմակերպիչն է «Արամ Խաչատրյան-մրցույթ» մշակութային հիմնադրամը։ ՀՀ կրթության‚ գիտության‚ մշակույթի և սպորտի նախարարության աջակցությամբ իրականացվող Խաչատրյանի անվան միջազգային մրցույթը նպատակ ունի բացահայտել տաղանդաշատ երիտասարդ երաժիշտների, նրանց ընձեռել մասնագիտական առաջընթացի հնարավորություններ‚ ինչպես նաև մրցույթի միջոցով էլ ավելի հանրայնացնել Արամ Խաչատրյանի արվեստը:

Անժելա Համբարձումյան

 

Լրահոս
Հովհաննես Գառնեցու մասին Մահացել է ճարտարապետ, նկարիչ Ֆրիդոն Ասլանյանը Կոնսերվատորիայի ուսանողները հանդես կգան Ֆրանսիայի ազգային տոնին նվիրված համերգով Ֆիլհարմոնիկ նվագախմբի կամերային համերգաշարի շրջանակում կհնչեն Ֆրանց Շուբերտի գործերը Վերականգնվում են «Անվերջության ժապավեն» և «Արձագանք» մոնումենտալ քանդակները Տաճարն Աստծու տունն է «Ճախրուկ» փառատոնը կատարումներով կզարդարեն Արտո Թունչբոյաջյանը և Armenian Navy Band խումբը Մահացել է հայտնի դուդուկահար Ջիվան Գասպարյանը Տիգրանակերտի դեպքում ադրբեջանցիները չգիտեն՝ մեզ ինչի մեջ մեղադրեն. Համլետ Պետրոսյան «Բայց դուք, եղբարք, մի ձանձրանաք բարիք գործելուց» Հայաստանի պետական կամերային երգչախումբը բարձր մակարդակով է ելույթ ունեցել Ռավեննայի փառատոնին «Բաբաջանյանը Երևանում»՝ հուլիսի 3-9-ը Աստծու գոյությունը, մաս 3-րդ «Ոսկե ծիրան» կինոփառատոնը 2021-ին կանցկացվի հոկտեմբերին «Ոսկե ծիրան» կինոփառատոնը 2021-ին կանցկացվի հոկտեմբերին ԳԱԿ-ը հայտարարում է «Գագիկ Հարությունյան. մոռացումի անսպասելի գեղեցկությունը» ցուցադրության բացման մասին Ջեյմի Լի Քյորտիսը Վենետիկի փառատոնի «Ոսկե առյուծ» մրցանակ կստանա կինեմատոգրաֆում ներդրած ավանդի համար Իտալիայում մեկնարկել են Հայաստանի պետական կամերային երգչախմբի փորձերը Կրքերի մասին Վահագն Դավթյան․ Քարե քնքշանք ԱԺ-ն ընդունեց կինեմատոգրաֆիայի ոլորտը կանոնակարգող նոր օրենքը Հայկական հանդերձի գունեղ ու զարմանալի ավանդույթները՝ «Դրվագներ ինքնության. Տարազ» ցուցահանդեսում Ռազմիկ Դավոյան. Իմ ձայնը անմարմին, անգլուխ... Միքայել Միրզոյանի անվան երաժշտական դպրոցն ամփոփիչ համերգ է տվել Նարեկ Հախնազարյանը Սիմֆոնիկ նվագախմբի հետ կներկայացնի իրեն նվիրված կոնցերտը Սպենդիարյանի 150-ամյակին լույս է տեսել «Ալմաստ» օպերային նվիրված Գեորգի Բուդաղյանի գիրքը Լիվերպուլի պատմական հատվածը կարող է զրկվի ՅՈՒՆԵՍԿՕ-ի Համաշխարհային ժառանգության կարգավիճակից Ռուսական արվեստի թանգարանում կբացվի «Որոնելով գեղեցիկը։ Միխայիլ Վռուբել» ցուցահանդեսը Որ մեր սրտերը չխռովվեն, որ չվախենանք․ կայունացման ուղին «Դարի գողությունը» բացահայտվել է. Հունաստանի ոստիկանությունը հայտնաբերել է 9 տարի առաջ գողացված Պիկասոյի և Մոնդրիանի կտավները Համազգային թատրոնը փոխեց չեխովյան փառատոնի իմիջը.«Փափլիկը» ներկայացումը արժանացել է բարձր գնահատականի «Երևանյան հեռանկարներ» փառատոնի առաջին համերգին ելույթ կունենա Իտալիայից ՀՀ ժամանած դաշնակահար Մայա Օհանյանը Աստծու սերը միտքը ուղղում է դեպի սիրտ Խաբվածները Համո Սահյան․ Կածանն ինձ տաներ... Գրիգոր Տատինցյանի «փախուստը» դեպի վառ իրականություն Գրատպության թանգարանի առաջին առցանց հավաքածուն հասանելի կլինի Google Arts & Culture հարթակում «Նովելի իշխան» Գրիգոր Զոհրապի ծննդյան 160-ամյակն է Շուշին 1902թ. օգոստոսին, Բ մաս Աղոթքը դառնում է սրտաբուխ, երբ միտքն իջնում է սիրտ
Ամենաընթերցված
website by Sargssyan